Igihe imikino ya UEFA Champions League izasubukurirwa cyamaze kumenyekana.

Itariki yo gusubukuriraho imikino ikunzwe na benshi kw’Isi ya Eufa Champions League yamaze kumenyekana nyuma y’igihe kinini iyi mikino idakinwa.

Nyuma yuko hari hashize igihe kinini abakunzi b’iri rushanwa bibaza igihe imikino ya UEFA Champions League izasubukurirwa, Bamenye igisubizo nyuma y’Amakuru yatangajwe na perezida wa Lyon, Jean-Michel Aulas, ko iyi mikino izasubukurwa tariki ya 07 Kanama 2020, Jean-Michel Aulas yatangaje ko nubwo UEFA itarashyira hanze iri itangazo, Ariko ikipe ye izi neza ko izakina n’ikipe ya Juventus yo mu butaliyani mu mukino wo kwishyura wa 1/16 cya Champions League kuwa 07 Kanama 2020, Mu mukino uzakinwa nta bafana bari ku kibuga, Tubibutse ko uyu mukino wo kwishyura wagombaga gukinwa muri Werurwe uyu mwaka, Ariko ukaza guhagarikwa kubera Coronavirus ariko mu mukino ubanza Lyon yari yatsinze Juventus igitego 1-0.

Perezida wa Lyon, Jean-Michel Aulas,

Kugeza ubu ama shampiyona atandukanye arateganya gusubukurwa vuba nka Bundesliga izaba igaruka mu mpera z’icyumweru gitaha mu gihe Serie A, La Liga nabo batangiye imyitozo, Ni nyuma yuko kandi Perezida wa UEFA, Aleksandar Ceferin aheruka gutangaza ko icyorezo cya Coronavirus nikigabanuka hazashyirwaho amasaha n’igihe cy’imikino bishya, Aho binashoboka ko hazakinwa umukino umwe umwe muri buri kiciro aho gukina ubanza n’uwo kwishyura nkuko byari bisanzwe, Mu kiganiro Aleksandar Ceferin yahaye Televisiyo yo mu Budage yitwa ZDF kuwa 04 Mata 2020, Yavuze ko Champions na Europa League bigomba kurangira bitarenze tariki ya 3 Kanama 2020, Ndetse impamvu ikaba uko turi mu bihe bidasanzwe.

Amakipe amwe namwe arimo, RB Leipzig Atalanta, Paris Saint-Germain, Atletico Madrid yamaze gukatisha itike ya 1/4 naho andi nka Juventus, Lyon, Man City, Real Madrid, Barcelona, Napoli, Bayern Munich, Chelsea imikino ikazasubukurwa ashakisha iyi tike, Kuva tariki 13 Werurwe 2020 nibwo byemejwe ko amarushanwa arimo Premier League,UEFA Champions League na Europa League yahagaritswe kubera icorezo cya COVID-19 cyari kimereye nabi abakinnyi,abatoza n’abafana.

Ellyman Kwizera

Umwanditsi Wandika Amakuru Atandukanye, Arimo Imyidagaduro, Ubuzima,Udushya n'Andi Atandukanye Kandi Yizewe! Ni Ingaragu, Akaba Afite Imyaka 25 y'Amavuko!

Leave a Reply

Your email address will not be published. Required fields are marked *

Kwirinda Coronavirus birashoboka!

Kwirinda kujya ahantu hateraniye abantu benshi no kwirinda ingendo zitari ngombwa ni bimwe mu byagufasha kwirinda kwandura #CoronaVirus. Siga metero 1 hagati yawe n'undi muntu cyane cyane urwaye inkorora cyangwa ibicurane Ibuka gukarana Intoki nibura hagati y'amasegonda 40 kugera kuri 60 igihe cyose ugize ikintu ukoraho!