Ubuzima: Dore ingaruka zikomeye zo kunywera itabi hafi y’abana

Nkuko bishimangirwa n’impuguke mu by’ubuzima Burya Abana bahumeka umwotsi w’itabi ry’amasegereti baba bafite ibyago byo kugira ibibazo by’ubuhumekero, asima cyangwa bagapfa bakiri bato.

Ikigo cy’Igihugu gishinzwe Ubuzima, RBC, kirakangurira Abanyarwanda kwirinda kunywera itabi mu ruhame no hafi y’abana by’umwihariko kuko bigira ingaruka zikomeye ku buzima bw’abana, Abagore banywa itabi batwite byagaragaye ko na bo baba bafite ibyago biri hejuru byo kubyara abana bafite ibibazo by’ubuzima, harimo kuvuka umwana atujuje ibiro cyangwa akavuka apfuye, Dr. Ntaganda Evariste, ukora mu ishami rishinzwe indwara zitandura mu Kigo cy’Igihugu gishinzwe Ubuzima, RBC, agira inama abantu banywera itabi hafi y’abana cyangwa abanywa itabi batwite kubihagarika mu rwego rwo kubungabunga ubuzima bwabo.


Dr Ntaganda Evariste ukora mu ishami rishinzwe kurwanya indwara zitandura muri RBC, agira inama Abaturarwanda yo kutanywera itabi hafi y’abana

Yagize Ati “Abenshi banywa itabi ku bagore batwite bangiza abana babo, kuko babyara abana batujuje ibiro cyangwa bakavuka bapfuye. Itabi ryica urinywa n’utarinywa, ni yo mpamvu leta y’u Rwanda yaciye umuco wo kunywera itabi mu ruhame. Ahenshi usanga abagabo ari bo banywa itabi kurusha abagore ariko umugabo ashobora kurinywa afite abana bato cyangwa umugore utwite bikaba byamugiraho ingaruka kandi bitaretse no kwangiza nyiri ukurinywa”

Dr. Ntaganda agira inama Abaturarwanda kuba bareka umuco wabaye karande wo kunywa itabi kuko atari iby’ibanze nkenerwa ku mubiri wa muntu nk’ibiryo cyangwa amazi, Ati “Abantu bakwiye kureka ibikorwa byo kunywa itabi, si ikintu cy’ibanze ku mubiri kuko utarinyoye ubuzima burakomeza nta kibazo” Itabi rigira ingaruka nyinshi ku mubiri wa muntu, harimo kuba ritera indwara z’umutima, kanseri, diyabete, umuvuduko w’amaraso, indwara zo mu buhumekero, izo mu kanwa n’izindi, Ku isi yose itabi ryica kimwe cya kabiri cy’abarikoresha. Ishami ry’Umuryango w’Abibumbye ryita ku Buzima rigaragaza ko rihitana abarenga miliyoni umunani buri mwaka, abagera kuri miliyoni zirindwi bicwa n’ingaruka zo kurinywa, miliyoni 1.2 bicwa n’ingaruka baterwa n’abandi barinywa cyane cyane abarinywera mu ruhame.

Mu Rwanda imibare igaragaza ko abanywi b’itabi bageze kuri 12.8% mu bushakashatsi buheruka bwakozwe n’Ikigo cy’Igihugu gishinzwe Ubuzima, RBC ku bufatanye na OMS, 3% by’abarwayi ba diyabete ituruka ku kunywa itabi na ho 15.9% bafite ibibazo by’indwara z’umuvuduko w’amaraso baziterwa na ryo, Ibihugu biri munsi y’umurongo w’ubukene ni ho higanje abanywi b’itabi, habarurwa 80% bangana na miliyari 1.3, Itabi riri mu bwoko butandukanye harimo, ibikamba, amasegereti, iryo bajundika mu kanwa (ubugoro), iryo bitera mu nshinge n’ubundi.

Ellyman Kwizera

Umwanditsi Wandika Amakuru Atandukanye, Arimo Imyidagaduro, Ubuzima,Udushya n'Andi Atandukanye Kandi Yizewe! Ni Ingaragu, Akaba Afite Imyaka 25 y'Amavuko!

Leave a Reply

Your email address will not be published. Required fields are marked *

Kwirinda Coronavirus birashoboka!

Kwirinda kujya ahantu hateraniye abantu benshi no kwirinda ingendo zitari ngombwa ni bimwe mu byagufasha kwirinda kwandura #CoronaVirus. Siga metero 1 hagati yawe n'undi muntu cyane cyane urwaye inkorora cyangwa ibicurane Ibuka gukarana Intoki nibura hagati y'amasegonda 40 kugera kuri 60 igihe cyose ugize ikintu ukoraho!