Bushali agiye gushyira hanze ‘EP’ ivuga ku buzima bwe muri muzika n’abandi bahanzi muri rusange

Umuraperi Hagenimana Jean Paul uzwi nka Bushali agiye gushyira hanze Extended Play [EP] yakozweho n’umu-producer wo mu Budage witwa Ghanian Stallion.

Iyi EP nshya ya Bushali yayise ‘Kivuruga’ Uretse uyu mu-producer wakoze kuri iyi EP hagaragaraho abahanzi barimo umuraperi Awa Khiwe wo muri Zimbabwe, Bushali yabwiye IGIHE dukesha iyi nkuru ko iyi EP izamufasha kubara inkuru y’ibirushya yanyuzemo kuva yatangira kwinjira mu muziki nk’umuhanzi w’umuraperi, Indirimbo zose ziyiriho zakozwe na Ghanaian Stallion uri mu batunganya umuziki bakomeye mu Budage.

Yavuze ko impamvu yahisemo ko bakorana ari uko yashakaga kumvisha abantu umuziki wakozwe n’umuntu wo hanze ya Afurika y’Iburasirazuba, Ati “Ghanian Stallion nanjye twahuye ubwo yazaga mu Rwanda ari kumwe n’umuraperi Megaloh na we wo mu Budage ku butumire bwa Goethe-Institut, Igitaramo cyari yiswe ‘BSMG EAST-AFRICA-TOUR’. Nishimiye ku kuba twarakoranye nyuma yo guhura mu 2017” Uretse Awa Khiwe, hariho n’umuraperi wo mu Rwanda witwa NERIWEST ku ndirimbo Bushali avuga ko ireba cyane abahanzi. Iyi ndirimbo bahuriyemo yitwa ‘Devils’ ivuga ku kuntu abahanzi bariganywa n’abafatanyabikorwa cyangwa abandi bakorana na bo.

Ubutumwa burimo ni ugukangurira abahanzi kwihesha agaciro bakagahesha n’impano yabo kandi bakayizera, Izindi ndirimbo ziriho zivuga ku buzima busanzwe, Iyi EP izajya hanze ku wa Gatanu izaba ikurikira album yashyize hanze mu 2019 yitwa ‘Ku Gasima’ igaragaza ubuzima buri wese ashobora kubamo butari bwiza mbere y’uko agira amafaranga, Iyi album y’uyu musore iriho indirimbo 12 zirimo iyitwa ‘Kinyatrap, Sindi Mubi, Zunguzayi’, Ipafu, Kinyarock, Mamayiwe, ‘Kugasima, Ingangi, Ayura Bitinze, Impanda na Niyibizi.

‘Ku gasima’ ni album ye ya kabiri yaje nyuma y’iya mbere yagiye hanze muri Gashyantare mu 2018 yise ‘Nyiramubande, Yaherukaga gushyira hanze album umwaka ushize ubwo yakoraga iyo yise ‘!b!he B!7’ ishushanya ubuzima bwo ku Isi y’iki gihe n’ubuzima Nebukadinezali uvugwa muri Bibiliya wahuye n’ibigeragezo birindwi bitewe no kwiremereza ku Mana, Bushali yatangiye umuziki mu mpera za 2013, Uyu musore ni umuhanga mu gushushanya ndetse mu mabyiruka ye yatangazaga benshi, uretse ibyo yanabaye umuririmbyi mu korali muri ADEPR ariko aza kubivamo akomereza umuziki muri Hip hop aho azwi cyane nk’umwe mu batangije icyiswe ‘Kinyatrap’ ishushanywa nka Trap nyarwanda.

Ghanaian Stallion wakoze iyi EP nshya ya Bushali asanzwe atunganya indirimbo ndetse akaba na DJ Se akomoka muri Ghana mu gihe nyina ari uwo mu Budage, Ni umwe mu bagize itsinda ryo mu Budage ryiswe BSMG. Yakoze indirimbo nyinshi zirimo iz’abahanzi nka Megaloh, Afrikanboy, Octopizzo, Joy Denalane, Patrice, Black Sherif n’abandi, ‘Kivuruga’ izajya hanze ku wa 30 Nyakanga 2021. Iriho indirimbo eshanu zirimo Uhm Uhm, Kivuruga, Nyoroshamo, Uhoraho yakoranye na Awa Khiwe ndetse na ‘Devils’ ye na NERIWEST.

Ellyman Kwizera

Umwanditsi Wandika Amakuru Atandukanye, Arimo Imyidagaduro, Ubuzima,Udushya n'Andi Atandukanye Kandi Yizewe!

Leave a Reply

Your email address will not be published. Required fields are marked *

Kwirinda Coronavirus birashoboka!

Kwirinda kujya ahantu hateraniye abantu benshi no kwirinda ingendo zitari ngombwa ni bimwe mu byagufasha kwirinda kwandura #CoronaVirus. Siga metero 1 hagati yawe n'undi muntu cyane cyane urwaye inkorora cyangwa ibicurane Ibuka gukarana Intoki nibura hagati y'amasegonda 40 kugera kuri 60 igihe cyose ugize ikintu ukoraho!